هل تقبلى الزواج من رجل بهذه الصفات ؟

هل تقبلى الزواج من رجل بهذه الصفات ؟

والله شيء حلو الجواز ده أنك تلاقى حد يهتم بيك ويشاركك أحلامك وكده , بس المشكلة إنھ مش دايما ممكن يحصل بالصورة المتوقعة ، مش دايما بتكون المشكلة اقتصادية ، يعنى أنا مثلا عندي 27 سنة والحمد الله عندي شقة مساحتها معقولة وفى مكان كويس ، بس هل اللي هتيجي دي هتقبل أنه يكون لها ضرة من أول يوم ضرة اسمها القراءة والكتب ؟

هل هتقبل بأخذ أوضة من أوض الشقة الثلاثة علشان تبقى مكتبة أو حجرة مكتب ؟ هل هتقبل لم اننا نتفرج على الأثاث بتعاها حتى قبل ما نتفرج على أوضة النوم ولا الأنتريه لأ هل هتقبل أن ثلاثة أرباع دخل البيت يروح في شراء الكتب ؟ هل هتقبل تفطر ‹‹النمور فى اليوم العاشر›› لزكريا تامر ، وتتغدى المجموعة القصصية الكاملة ليوسف إدريس ، وتتعشى الأعمال الكاملة لأحمد فؤاد نجم ؟...

هل هتسكت لو فى يوم حضرت العشاء واتذوقت ولبست اللى على الحبل وبعد كده بدل ماجوزها يقضى الأمسية معاها يدخل بكل بساطة أوضة المكتب علشان يقضيها مع أمل دنقل وصلاح عبد الصبور وعبد الرحمن الأبنودى ؟ الست بطبعها مخلوق أناني يحب انه يكون الاهتمام الأول عند شريك حياته ، وطبعا أي ست صعب قوى تتحمل أن جوزها يحب الكتب أكتر منها بس المشكلة ان أنا فعلا كده .
على فكرة أنا مش بهزر ولا بتدلع أنا عايزأعرف رأي الستات ؟ رغم إني عارفه مسبقاً : لأ طبعاً .

بقلم / مصطفى محمد

تعليق :
والله أخى مصطفى الذى أعلمه أن الثقافة وقراءة الكتب لا تعيق الزوج عن قيامه بواجبه ودوره تجاه زوجته من حب وعشق ومسئولية وحياة وكفاح وتفاهم وود وتناغم وانسجام وأن تقضى مع زوجتك وبيتك الوقت المناسب لتكون حياة سعيدة وممتعة ، وانا عن نفسى أحب القراءة والكتب جداً ودائماً فى يدى كتاب لكن زوجتى بالتأكيد أحب إلى قلبى من الكتب لأن الكتب وسيلة لفهم الحياة ومعرفة الله وتحسين الذات وحب الزوجة و... و.... وليست غاية فى ذاتها – والله أعلم .

هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

فين(وين) الردود؟ منتظر ردودكم إخوانى وأحبائى وأرجوا منكم التفاعل بيننا بالمنتدى ولكم شكرى وتقديرى

» الصفات الوراثيه في المولود
» سعد " المسلم " اذا تحلى بهذه الخصال الثلاث..
» الزواج في الاسلام
» مراحل الزواج
» مريم نور: الزواج ورقة دعارة شرعية ؟!